【無劇透短評】
作為一個高登出生嘅寫手。一路向西、紅van、男窮都入場睇過，無理由唔支持埋《壹獄壹世界》。
為免劇透，劇情就唔喺到多講。不得不讚嘅肯定係劇中嘅一眾演員。特別係演「阿積」嘅張建聲仲有演「伍仔」嘅蔡瀚億，劇中表現甚至比演主角嘅王宗堯更搶眼（可能《選戰》同《導火》已經睇慣哂…）。而智叔仍然係保持住高水準。單係佢地已經為套戲加唔少分數。
唔好嘅位當然有，我自已會覺得潮語個part有少少意義不明，情欲位好唔好亦都係各花入各眼，但唔影響套戲嘅整體效果，比起紅van肯定出色得多。至少有埋個好尾，亦有反思位可帶出戲院。
高登故再一次拍成電影。你問我，我一定會真心咁答你希望套戲會成功。因為唔多唔少都會為我或者其他作者帶來正面影響。
希望你地會入場支持下。買少見少架啦，本土電影。
Search